“
Lífið snýst ekki um að hlaupa hraðar eða gera meira. Stundum felst mesta umbreytingin í því að hægja á, staldra við og gefa sér leyfi til að vera. Þegar við gerum það opnast rými til að finna, upplifa og sjá skýrar hvað skiptir okkur raunverulega máli.
Um Kolbrúnu Magnúsdóttur
Raunverulegur árangur hefst hjá okkur sjálfum
Ég hef ástríðu fyrir því að styðja fólk á sinni vegferð að aukinni sjálfsvitund, innri styrk og jafnvægi.
Ég trúi því að hver og einn búi yfir einstökum hæfileikum og óendanlegum möguleikum. Lausnirnar sem við leitum að eru ekki í okkar ytra umhverfi heldur innra með okkur sjálfum. Hlutverk mitt er að styðja þig á þinni vegferð með því að skapa öruggt rými þar sem þú getur tengst eigin styrkleikum, mótað skýra framtíðarsýn og byggt líf sem endurspeglar þín gildi, drauma og það sem skiptir þig mestu máli.
Lífið er ekki áfangastaður heldur vegferð sem er í stöðugri þróun. Vöxtur snýst ekki um að verða einhver annar en við erum heldur að lifa í auknum samhljómi við okkur sjálf. Að hlusta á eigin þarfir, fylgja hjartanu og hafa hugrekki til að móta líf sem endurspeglar gildin okkar, drauma og langanir.
II
Innri viska
Við trúum því að enginn annar geti sagt okkur hver við eigum að vera eða hvað sé best fyrir okkur. Svörin sem við leitum að búa innra með okkur. Hlutverk Hugarþols er að skapa öruggt rými þar sem þú getur séð líf þitt af meiri skýrleika, tengst innri visku og fundið svörin sem eru nú þegar til staðar innra með þér.
III
Meðvitund
Raunverulegar breytingar hefjast þegar við stöldrum við og verðum meðvituð um hugsanir okkar, tilfinningar, líkama og innri þarfir. Með aukinni meðvitund skapast frelsi til að velja með skýrleika í stað þess að bregðast ósjálfrátt við. Þar hefst umbreytingin.
Umsagnir
Það sem fólk segir
“
Það sem þessi lífsþjálfun hefur gefið mér er ekki bara skipulögð samtöl og verkefni, heldur dýpri breyting sem heldur áfram milli funda. Ég fer að taka eftir nýjum hlutum, hugsa öðruvísi og opna mig fyrir tengslum – bæði í vinnu og lífi.
Ferðalag Kolbrúnar sjálfrar er hvetjandi og gefur mér leyfi til að færa mig nær því hver ég raunverulega er. Eftir samtölin finn ég meiri tilgang, meiri sátt og aukið hugrekki til að láta mína eigin drauma rætast.
Ég er farin að sáldra litlum augnablikum inn í hversdaginn sem fá brosið til að breikka og hjartað til að stækka.
“
Ég er búin að fara í persónulega stefnumótun hjá Kolbrúnu og mæli hiklaust með henni sem markþjálfa. Ég sjálf mun halda áfram að eiga fundi með henni til að halda mér við efnið og skoða hluti dýpra.
Það var mjög skemmtilegt ferðalag þó svo að ég hef skoðað sjálfa mig oft áður og sett niður hver mín hæfni, gildi og persónuleiki er, þá er alltaf svo gott að fá innsýn frá öðrum og kafa enn dýpra í gildin og ástríðuna sína.
“
Ég mæli eindregið með markþjálfun hjá Kolbrúnu! Hún hefur einstakan hæfileika til þess að hjálpa manni að greina eigin styrkleika.
Hún hefur aðstoðað mig við að skilgreina markmiðin mín og öðlast yfirsýn yfir flókin verkefni. Kolbrún er afar hvetjandi og eftir hvern tíma hef ég farið full eldmóðs og með trú á verkefnin mín og eigin getu til að klára þau og njóta þeirra. Svo er hún líka bara svo einstaklega skemmtileg og gott að verja tíma með henni.
“
Ég fékk þann heiður að vinna með Kolbrúnu á meðan ég vann sem móttökustjóri hjá Bláa lóninu. Ég var ungur leiðtogi á þeim tíma og Kolbrún reyndist mér eins og sannur leiðbeinandi þegar það kom að leiðtogahæfni og framkomu.
Kolbrún er áreiðanleg og ótrúlega fær í því sem hún gerir. Kolbrún er framúrskarandi starfsmaður og ennþá betri vinnufélagi.
“
Ég get heils hugar mælt með Kolbrúnu í ráðgjöf og framkvæmd mannauðsverkefna. Hún er lausnamiðuð, reynslumikil og frábær í samskiptum og að lesa þarfir þegar kemur að því að leysa úr verkefnum og áskorunum tengdum fólki.
Við erum með starfsfólk í 15 löndum og hún lagði sig fram við að finna lausnir þvert á landamæri. Með aðstoð Kolbrúnar komum við ferlum í betra horf og innleiddum aðgerðir sem gerðu starfsfólkið okkar öruggara og ánægðara í starfi.
Við í Tixly unnum með Kolbrúnu í eitt og hálft ár og ég myndi ekki hika við að vinna aftur með henni ef tækifæri gefst.
“
Kolbrún Magnúsdóttir kom inn hjá okkur sem mannauðsstjóri að láni árið 2023 og hefur hún hreinlega unnið kraftaverk. Við hjá Fastland erum gríðarlega ánægðar með hana og hennar vinnu. Hún hefur náð góðu sambandi við alla starfsmenn, en við erum 18 hér í starfi á öllum aldri.
Hennar helstu verkefni í byrjun voru að uppfæra allar starfslýsingar og ráðningarsamninga, taka á erfiðum samskiptamálum og stýra innleiðingu á nýjum verkferlum. Þessi verkefni leysti hún öll með bros á vör, skipulega og með mjög vönduðum vinnubrögðum.
Hún hefur einnig komið að breytingum á skjölun innanhúss, breytingu á skipuriti og stýrt fræðslumálum og erindum sem við höfum fengið til okkar. Ég veiti henni því topp meðmæli byggð á reynslu okkar.
Skrunaðu til hliðar til að lesa fleiri
Algengar spurningar
Gott að vita
Hvernig fer greiðsla fram?
Greiðslufyrirkomulag fer eftir þjónustu. Greitt er við bókun eða samkvæmt reikningi. Í lengri námskeiðum og þjónustuleiðum getur verið hægt að skipta greiðslum.
Get ég afbókað tíma?
Já. Mikilvægt er að afbóka tíma með að minnsta kosti 24 klukkustunda fyrirvara. Ef afbókun á sér stað seinna eða ekki er mætt í tíma áskilur Hugarþol sér rétt til að innheimta tímann.
Fæ ég endurgreitt ef ég hætti við?
Já, ef afbókað er með að minnsta kosti 24 klukkustunda fyrirvara. Ef afbókun á sér stað seinna eða ekki er mætt í tíma áskilur Hugarþol sér rétt til að innheimta tímann.
Hvað gerist ef Hugarþol fellir niður námskeið?
Ef námskeið fellur niður færðu námskeiðsgjaldið endurgreitt eða getur fært skráninguna á annað námskeið.
Get ég tekið markþjálfun í fjarfundi?
Já. Markþjálfun getur farið fram bæði í fjarfundi og með persónulegum samtölum og á það einnig við alla aðra þjónustu sem Hugarþol býður upp á.
Er markþjálfun trúnaðarsamtal?
Já. Trúnaður er grundvallaratriði í markþjálfun. Það sem fram kemur í samtölunum okkar er trúnaðarmál og markmiðið er að skapa öruggt rými þar sem þú getur tjáð þig af hreinskilni og heiðarleika.
Hvað felst í prógramminu Að endurvekja lífskraftinn?
Prógrammið sameinar markþjálfun, Yoga Nidra og stuðning á milli funda. Markmiðið er að hjálpa þér að styrkja tengslin við sjálfan þig, losa um takmarkandi mynstur og skapa varanlegar breytingar í takt við þín gildi.
Þarf ég að hafa reynslu af yoga til að koma í Yoga Nidra?
Nei. Yoga Nidra hentar bæði byrjendum og þeim sem hafa reynslu af jóga eða hugleiðslu.
Býður Hugarþol upp á þjónustu fyrir fyrirtæki?
Já. Hugarþol býður meðal annars upp á mannauðsráðgjöf, mannauðsstjóra að láni, markþjálfun og Yoga Nidra fyrir fyrirtæki.
Er hægt að koma í einkatíma í Yoga Nidra?
Já. Hægt er að bóka einkatíma í Yoga Nidra, hvort sem þú vilt koma ein/n eða með litlum hópi. Tíminn er sniðinn að þínum þörfum og getur einnig verið með tónheilun.
Hvernig fer Yoga Nidra fram?
Þú liggur á dýnu, með púða, teppi og annan stuðning eftir þörfum. Kennarinn leiðir þig í gegnum djúpa slökun þar sem athyglinni er meðal annars beint að líkamanum, önduninni og innri upplifun.
Hvernig getur Yoga Nidra hjálpað mér?
Yoga Nidra hjálpar þér að róa taugakerfið, draga úr streitu og skapa innra rými fyrir skýrleika, jafnvægi og vellíðan.
Póstlisti
Fáðu fróðleik og fréttir beint í pósthólfið
Hugleiðingar, æfingar og tilkynningar um námskeið og Yoga Nidra tíma. Engin ruslpóstur, og þú getur skráð þig af hvenær sem er.
Hafðu samband
Ég hlakka til að heyra frá þér
Þú getur bókað tíma í spjall þér að kostnaðarlausu ef þú vilt sjá hvort þetta sé eitthvað fyrir þig og hvort ég sé rétta manneskjan til að vinna með þér.
